លោក Florentino Perez ត្រូវបានអ្នកសារព័ត៌មានសួរនាំអំពីរឿងរ៉ាវចង់បាន Paul Pogba មកកាន់ក្លឹប Real Madrid ឬអត់ នៅកិច្ចសម្ភាសន៍មួយក្រោយបញ្ចប់ការប្រកួតយកឈ្នះលើ At Madrid នៅទឹកដីអារ៉ាប៊ីសាអូឌីតកន្លងទៅ។
ភ្លាមនោះប្រធានក្លឹប Madrid បានលេងសើចនៅពាក្យអស់សំណើចមួយឃ្លា មុនដើរចេញទៅទាំងស្នាមញញឹម ដោយនិយាយថា៖ “ខ្ញុំអត់ដឹងថា Pogba ជានរណាគេផង?”។
នេះជាចម្លើយឈឺចាប់មួយសម្រាប់អ្នកសារព័ត៌មាន ប៉ុន្តែវានៅតែមិនទាន់អាចបញ្ចប់ដដែល ថាចចាមអារ៉ាមនោះនឹងក្លាយជាការពិតឬអត់។ ស្របពេលបច្ចុប្បន្នសភាពការរបស់ Pogba នៅ United ហាក់ស្ងប់ស្ងាត់ឈឹង ទន្ទឹមដែល R.Madrid ក៏ចេះតែទទួលបានជោគជ័យទៅមុខនារដូវកាល ២០១៩/២០ ពោលគឺមានប្រៀបជាង Barcelona ទៅទៀត៕ ប្រភព៖ Metro