ប្រភពនៅអេស្ប៉ាញបានបញ្ជាក់ថាខ្សែប្រយុទ្ធ Olivier Giroud នឹងធ្វើតេស្ដសុខភាពជាមួយក្រុម Inter Milan នៅចុងសប្ដាហ៍នេះ មុនការប្រកាសផ្លូវការឈានចូលមកដល់។
Olivier Giroud នៅសល់កុងត្រាជាមួយក្រុម Chelsea ត្រឹមរដូវកាលនេះ។ ដូច្នេះហើយទើបលោក Lampard អ្នកចាត់ការក្រុមតោខៀវ ប្រាប់ទៅកីឡាករថាអាចរកក្លឹបថ្មីលេងបាន ព្រោះថាលោកនឹងមិនបន្ដកុងត្រាឱ្យទៀតទេ។ ស្របពេលនោះ ក្រុម Inter Milan ក្រោមការដឹកនាំរបស់លោក Conte ក៏ចាប់អារម្មណ៍លើកីឡាករបារាំងនេះ ហើយទាក់ទងទិញយកតែម្ដងក្នុងតម្លៃខ្លួន៥,៥លានផោន។
បើតាមប្រភពនៅអ៊ីតាលីបានបញ្ជាក់ថាការចរចារវាងក្រុមទាំងពីរបានសម្រេចទៅហើយ ដោយនៅឡើយតែកីឡាករទៅធ្វើតេស្ដសុខភាពប៉ុណ្ណោះ។ កីឡាករវ័យ៣៣ឆ្នាំនេះ មានទំនាក់ទំនងល្អជាមួយលោក Conte ដូច្នេះហើយ ទើបព្រមទៅបន្ដអាជីពនៅក្លឹបក្នុងប្រទេសអ៊ីតាលី ខណៈដែលក្លឹបនៅបារាំងក៏ចង់់បានរូបគេដែរ៕ប្រភព៖ Dailymail