• Messi ​និយាយ​យ៉ាង​ណា ​ពេល Valverde ​ត្រូវ​ចាកចេញ​ពី​ក្លឹប Barcelona ​

    ​លោក​ Valverde ​បាន​ចែក​ផ្លូវ​គ្នា​ជាមួយ​ក្រុម FC Barcelona ​ហើយ ​ក្រោយ​ពី​ដឹក​នាំ​ក្រុម​បរាជ័យ​ក្រោម​ថ្វី​ជើង Atletico Madrid ​ក្នុង​ពាន​រង្វាន់ Super Cup ​កាល​ពី​ពេល​កន្លង​ទៅ។

    ជាមួយ​ការ​ចាកចេញ​របស់​អ្នក​ចាត់ការ​ដឹក​នាំ​ក្រុម​បាន​២​ឆ្នាំ​កន្លះ​នេះ​ដែរ ​ធ្វើ​ឱ្យ Lionel Messi ​ដែល​ជា​ប្រធាន​ក្រុម​បង្ហាញ​ចំណាប់​អារម្មណ៍​និង​ជូន​ពរ​ដែរ​ថា​៖ “អរគុណ​គ្រប់​យ៉ាង។ ​ខ្ញុំ​ច្បាស់​ណាស់​ថា​អ្នក​នឹង​ទទួល​បាន​ជោគជ័យ​នៅ​កន្លែង​ការងារ​ថ្មី ព្រោះ​អ្នក​ជា​អ្នក​ចាត់ការ​ដ៏​អស្ចារ្យ​មួយ​រូប។ សូម​ជូនពរ​ឱ្យ​សំណាង​ល្អ”។

    លោកValverde ​ដឹក​នាំ​ក្រុម Barcelona ​លើក​ពាន​លីគ​កំពូល​អេស្ប៉ាញ ​ហើយ​រដូវ​កាល​នេះ ពួកគេ​ក៏​កំពុង​ស្ថិត​នៅ​លេខ​១​ផង​ដែរ។ ​ការ​ដក​តំណែង​របស់​លោក​នេះ ត្រូវ​បាន​គេ​មើល​ឃើញ​ថា​ដោយសារ​តែ​២​រដូវ​កាល​កន្លង​មក ​លោក​ដឹក​នាំ​ក្រុម​លេង​នៅ​ក្រៅ​ក្នុង​ពាន​រង្វាន់ UEFA Champions League ​មិន​បាន​ល្អ​ឡើយ ដោយ​អាច​ឈ្នះ​គេ​ក្នុង​ដី​ច្រើន​គ្រាប់​ហើយ បែរ​ជា​នៅ​តែ​ភ្លាត់​ក្រៅ​ដី​ដដែល៕ប្រភព៖ Dailymail


    ភ្ជាប់ទំនាក់ទំនងជាមួយ CTS SPORT