នៅ FA Cup វគ្គជុំទី ៣ Round Replays កាលពីយប់មិញ Tottenham ទីបំផុតបានយកឈ្នះទៅលើ Middlesbrough ហើយនៅលទ្ធផល ២-១ នៅឯកីឡដ្ឋានរបស់ខ្លួន។ ការប្រកួតនេះគឺលេងចាញ់ធ្លាក់ ឈ្នះឡើង បែបនេះក៏រុញឲ្យមាន់ខ្នាយមាសមានឱកាសឡើងទៅវគ្គបន្ទាប់នាជុំទី ៤។
Spurs កាលពីយប់មិញលេងគ្របដណ្តប់ទៅលើ Middlesbrough ខ្លាំង ដោយគ្រប់គ្រងបាល់សរុប ៦៩ ភាគរយទៅហើយ និងមានឱកាសស៊ុត ១៦ លើកចំគោលដៅ ៤ លើក សម្រេចបានដោយកីឡាករ Giovani Lo Celso នៅនាទី ២ និង Erik Lamela នៅនាទី ១៥ ស្របពេលក្រុមភ្ញៀវធ្វើបានដោយកីឡាករ George Svaille នៅនាទី ៨៣។
ទស្សនាវីដេអូខាងក្រោម៖
https://www.youtube.com/watch?v=eU8zD4kAgJo
គួរបញ្ជាក់ថាយប់នេះនៅ ២ គូទៀតដែលត្រូវកាត់សេចក្តីបញ្ចប់ជុំទី ៣ គឺ Carlisle ត្រូវប៉ះ Cardiff City និង Man Utd ត្រូវប៉ះ Wolves។ ប្រកួតជុំបន្ទាប់ចាប់ផ្តើមឡើងពីថ្ងៃទី ២៥ មករាតទៅ៕