គ្រូ​វៀតណាម ​ថា​ទោះ​ស្មើ​២​ប្រកួត ប៉ុន្តែ​វៀតណាម​សង្ឃឹម​ឡើង​វគ្គ​បន្ដ​

​ក្រុម U23 ​វៀតណាម ​លេង​ក្នុង​ពាន​រង្វាន់ AFC U23 Championship ​បាន​២​ប្រកួត​មក​ហើយ ​ដោយ​ក្នុង​នោះ​ពួកគេ​ស្មើ​ទាំង​ពីរ​ប្រកួត​តែ​ម្ដង​ទល់​ក្រុម​អារ៉ាប់​រួម ​និង​ហ្សកដានី។

ក្រុម​វៀតណាម​ស្ថិត​នៅ​ពូល D ​ជាមួយ​ក្រុម​អារ៉ាប់​រួម ​ហ្សកដានី ​និង​កូរ៉េ​ខាង​ជើង។ ​២​ប្រកួត​របស់​ក្រុម​វៀតណាម​កន្លង​ទៅ​នេះ ​ស្មើ​០-០ ​ទាំង​ប៉ះ​ក្រុម​អារ៉ាប់​រួម ​និង​ហ្សកដានី។ ​កត្តា​មិន​មាន​គ្រាប់​បាល់​នេះ​ហើយ ធ្វើ​ឱ្យ​អ្នក​គាំទ្រ​មើល​ឃើញ​ថា​វៀតណាម ​លេង​ចត​ឡាន​ក្រុង​បាន​ល្អ​មែនទែន ​នា​ការ​ប្រកួត​នេះ។ ​នៅ​ប្រកួត​ចុង​ក្រោយ ពួកគេ​ប៉ះ​ក្រុម​កូរ៉េ​ខាង​ជើង ​ប្រសិន​បើ​អាច​ឈ្នះ ​នោះ​នឹង​មាន​ឱកាស​បាន​ឡើង​ជុំ​បន្ដ​ហើយ។

​លោក Park Hang-seo ​គ្រូ​បង្វឹក​ក្រុម U23 ​វៀតណាម ​បាន​និយាយ​ថា​ក្រុម​របស់​លោក​ស្ថិត​ក្នុង​ពូល​ពិបាក​មួយ។ ​ការ​ប្រកួត​រវាង​ក្រុម​វៀតណាម ​នឹង​២​ក្រុម​ខាង​លើ​ទៀត​ដែល​ស្មើ​គ្នា​នោះ ​បាន​បញ្ជាក់​ឱ្យ​ឃើញ​ថា​វា​ជា​ការ​ប្រកួត​ស្វិតស្វាញ​ខ្លាំង​បំផុត​ក្នុង​ព្រឹត្តិការណ៍​នេះ​។ វៀតណាម ​នឹង​ផ្ដោត​លើ​ការ​ប្រកួត​ចុង​ក្រោយ ​ដើម្បី​ស្វែង​រក​ជ័យជម្នះ។ ​លោក​ជឿ​ជាក់​ថា វៀតណាម​នឹង​ធ្វើ​បាន​ហើយ​ឡើង​វគ្គ​បន្ដ​មិន​ខាន៕ប្រភព៖ Vnexpress


ភ្ជាប់ទំនាក់ទំនងជាមួយ CTS SPORT