លោក Quique Setien គ្រូបង្វឹកថ្មីរបស់ក្រុម FC Barcelona ធ្លាប់បាននិយាយថាលោកចង់ឃើញខ្សែប្រយុទ្ធ Lionel Messi លេងបាល់រហូតដល់ខ្លួនបាត់បង់ជីវិត។
ក្លឹប Barcelona បានដកលោក Valverde ចេញពីតំណែង ហើយប្រកាសតែងតាំងលោក Quique Setien មកកាន់បន្ដជាមួយកុងត្រា២ឆ្នាំកន្លះភ្លាមវិញតែម្ដង។ មិនទាន់មានការបង្ហាញខ្លួនផ្លូវការនៅឡើយទេ ប៉ុន្តែអ្នកចាត់ការថ្មីនេះ ធ្លាប់សរសើរក្លឹប Barcelona ជាពិសេសកីឡាករ Lionel Messi ខ្លាំងមែនទែន កាលគ្រាលោកនៅដឹកនាំក្រុម Real Betis ។
បុរសវ័យ៦១ឆ្នាំខាងលើនេះ បាននិយាយថា៖ “ខ្ញុំចាប់ផ្ដើមយល់ច្បាស់ពីបាល់ទាត់ នៅពេលបានឃើញទម្រង់លេងរបស់ក្រុម Barcelona ក្រោមការដឹកនាំរបស់លោក។ ពួកគេបានធ្វើឱ្យខ្ញុំចាប់អារម្មណ៍ក្នុងការដឹកនាំក្រុម។ បាល់ទាត់មិនមែនមើលតែលើលទ្ធផលនោះទេ វាត្រូវមើលលើទម្រង់លេងក្រុមទាំងមូលផងដែរ។ និយាយពី Messi វិញ គាត់តែងតែធ្វើឱ្យប្លែកគ្រប់សប្ដាហ៍ទាំងអស់ ខ្ញុំចូលចិត្តមើលគាត់លេង ហើយសង្ឃឹមថាគាត់នឹងលេងបាល់រហូតដល់ខ្ញុំអស់ជីវិត”៕ប្រភព៖ Marca
