ក្រុម Southampton បានយកឈ្នះលើក្រុម Leicester City ក្នុងលទ្ធផល ២-១ នាការប្រកួតលីគកំពូលអង់គ្លេស ក្រោយពីពួកគេបានបរាជ័យធ្ងន់កកាលពីជើងទី១ ក្នុងលទ្ធផល ៩-០។កាលពីខែតុលាឆ្នាំ២០១៩កន្លងទៅនេះ ក្រុម Southampton បានចាញ់ក្រុម Leicester City ដល់ទៅ ៩ទល់នឹង ០ ឯណោះ ប៉ុន្តែនៅដើមខែមករានេះវិញ លទ្ធផលបានប្រែប្រួលអស់ទៅហើយ។ ក្រុមម្ចាស់ផ្ទះ Leicester City អាចរកគ្រាប់បាល់បានមុនមែន ប៉ុន្តែក្រុម Southampton អាចវាយបកយកស្មើវិញបាន ហើយថែមគ្រាប់បាល់ជ័យជម្នះបានទៀតនៅចុងម៉ោង ដោយកីឡាករ Danny Ings។
លោក Rodgers អ្នកចាត់ការការក្រុម Leicester City បាននិយាយក្រោយចប់ការប្រកួតដែរថា៖ “យើងមិនបានលេងល្អនោះទេសម្រាប់ការប្រកួតនេះ។ ខ្ញុំមិនចង់និយាយថាកីឡាករយើងហត់នឿយនោះទេ ប៉ុន្តែពួកគេបានច្រើនប្រកួតជាប់គ្នាមកហើយ”៕