ក្រុម Atletico Madrid នឹងត្រូវប៉ះក្រុម Real Madrid នៅថ្ងៃអាទិត្យចុងសប្ដាហ៍នេះ ក្នុងការប្រកួតវគ្គផ្ដាច់ព្រ័ត្រពានរង្វាន់ Super Cup នៅប្រទេសអារ៉ាប៊ីសាអ៊ូឌីត។
មុនការប្រកួតសំខាន់នេះកើតឡើង លោក Simeone អ្នកចាត់ការក្រុម AT Madrid បាននិយាយពីទម្រង់លេងរបស់ Real Madrid បច្ចុប្បន្នថា៖ “ក្រុម Real Madrid លេងបានល្អណាស់នៅពេលលេងទល់ក្រុម Valencia ។ ពួកគេអាចលេងបម្រើ៥នាក់បាន ដោយមិនបារម្ភពីតំបន់ការពារ។ ពួកគេលេងដើម្បីឈ្នះ ពួកគេបានឡើងមកគឺសក្ដិសមហើយ។ ការប្រកួតនៅវគ្គផ្ដាច់ព្រ័ត្រ ពិតជាតានតឹងសម្រាប់ក្រុមយើងមិនខាន”។
ក្រុម AT Madrid បរាជ័យវគ្គផ្ដាច់ព្រ័ត្រ២ដងនៅ UEFA Champions League ក្រោមថ្វីជើងក្រុម Real Madrid គឺជាកំណត់ត្រាមិនល្អមួយ។ ស្របពេលលោក Zidane វិញ ដឹកនាំក្រុម Real Madrid បានល្អមែនទែននៅវគ្គផ្ដាច់ព្រ័ត្រ ពោលគឺ៣ដងនៅ Champions League លើកពានបានទាំង៣ដងតែម្ដង៕ប្រភព៖ Marca
