ក្រុមបាល់ទាត់ក្រោមអាយុ២៣ឆ្នាំរបស់ប្រទេសថៃ បានប្រកួតឈ្នះក្រុមបារ៉ែន ក្នុងលទ្ធផល ៥-០ នៃប្រកួតបើកឆាកពូល A ព្រឹត្តិការណ៍ AFC U23 Championship ។
ក្នុងនាមជាម្ចាស់ផ្ទះក្រុមថៃ ពិតជាធ្វើបានល្អខ្លាំងមែនទែន។ ពួកគេអាចរកបានដល់ទៅ៥គ្រាប់ឯណោះក្នុងការប្រកួតទល់ក្រុមបារ៉ែន ដែលជាប្រវត្តិសាស្ត្រថ្មីមួយទៀតសម្រាប់ក្រុមថៃ។ Suphanat Mueanta ខ្សែប្រយុទ្ធវ័យក្មេងរបស់ថៃ រកបាន២គ្រាប់ម្នាក់ឯងក្នុងការប្រកួតនេះ ហើយរូបគេក៏បានជាប់កំណត់ត្រាកីឡាករក្មេងបំផុតរកគ្រាប់បាល់បាននៅ AFC U23 ផងដែរ ត្រឹមវ័យ១៧ឆ្នាំ៥ខែប៉ុណ្ណោះ។
ដោយសារតែក្នុងពូល A នេះ អូស្ត្រាលីលេងស្មើក្រុមអ៊ីរ៉ាក់ក្នុងលទផល ១-១ ផងនោះ មានន័យថាក្រុមថៃ ឈរនៅកំពូលតារាងជាបណ្ដោះអាសន្ន ដោយមាន៣ពិន្ទុ និងមានគ្រាប់ចំណេញដល់ទៅ៥គ្រាប់ឯណោះ៕ប្រភព៖ Bangkokpost