• Nishino ៖​ជឿ​ជាក់ ​U23 ​ថៃ ​អាច​មាន​កៅអី​លេង​នៅ​អូឡាំពិក​ឆ្នាំ​នេះ​

    ​ក្រុម​បាល់ទាត់​ក្រោម​អាយុ​២៣​ឆ្នាំ​របស់​ថៃ ​នឹង​ត្រូវ​ប៉ះ​ក្រុម U23 ​បារ៉ែន​នៅ​ល្ងាច​ម៉ោង​៨:១៥​នាទី​យប់ ​ក្នុង​ការ​ប្រកួត​ពាន​រង្វាន់ AFC U23 Championship ​។

    ​ក្រុម​ថៃ ​ជា​ក្រុម​ម្ចាស់​ផ្ទះ​នៃ​ការ​ប្រកួត​នេះ។ AFC U23 ​ឆ្នាំ​នេះ ​មាន​២​ពូល A ​និង B ​ដោយ​ក្រុម​ថៃ​ស្ថិត​នៅ​ពូល A ​ជាមួយ​ក្រុម​អូស្ត្រាលី ​បារ៉ែន ​និង​អ៊ីរ៉ាក់។ ​បើក​ឆាក​ការ​ប្រកួត​នៅ​ល្ងាច​នេះ ​ថៃ ​ប៉ះ​បារ៉េន ​ស្រប​ពេល​អ៊ីរ៉ាក់​ប៉ះ​ជាមួយ​ក្រុម​អូស្ត្រាលី។ ​​ក្រុម​លេខ​១​និង​លេខ​២ ទាំង​ពីរ​ពូល ​មាន​ឱកាស​បាន​កៅអី​ទៅ​លេង​នៅ​អូឡាំពិក​ឆ្នាំ​២០២០​នេះ ​នៅ​ប្រទេស​ជប៉ុន។

    មុន​ការ​ប្រកួត​នេះ ​លោក Nishino ​គ្រូ​បង្វឹក​ក្រុម U23 ​ថៃ ​បាន​និយាយ​ថា​៖ “ខ្ញុំ​ជឿ​ជាក់​ថា​យើង​នឹង​បាន​កៅអី​ទៅ​លេង​នៅ​អូឡាំពិក។ ​ក្រុម​ទាំង​អស់​មក​ដល់​វគ្គ​នេះ​សុទ្ធ​តែ​ជា​ក្រុម​ខ្លាំង។ ​ក្នុង​ពូល A ​ក្រុម​ទាំង​អស់​សុទ្ធ​តែ​មាន​កម្រិត​លើ​ថៃ ប៉ុន្តែ​យើង​នឹង​ខិតខំ ដើម្បី​ទទួល​បាន​ឱកាស​នា​ឆ្នាំ​នេះ”៕ប្រភព៖ Bangkokpost


    ភ្ជាប់ទំនាក់ទំនងជាមួយ CTS SPORT