គ្រូបង្វឹកជម្រើសជាតិថៃលោក Akira Nishino និយាយដោយមានទំនុកចិត្តថាក្រុម U23 ថារបស់លោកចូលរួមការប្រកួត AFC U23 Championship 2020 ដើម្បីសម្រេចគោលដៅលេងក្នុងព្រឹត្តិការណ៍ Olympic Tokyo 2020។
ក្នុងនាមជាម្ចាស់ផ្ទះគ្រូបង្វឹកសញ្ជាតិជប៉ុនបានអះអាងថាក្រុមរបស់លោកមានសម្ពាធខ្លះៗដែរហើយលោកបាននិយាយអពីដំណើរនៃការរៀបចំការប្រកួតរបដ់ក្រុមលោក។ និយាយក្នុងកាសែត Bangkok Post គ្រូបង្វឹករូបនេះថ្លែងថា៖“យើងមានសម្ពាធខ្លះៗដែរ ពេលចូលរួមការប្រកួតក្នុងនាមម្ចាស់ផ្ទះ។ យើងបានត្រៀមសម្រាប់ការប្រកួតអស់រយៈពេលមួយឆ្នាំកន្លងមកហើយ។ ក្រុមទាំងមូលនឹងព្យាយាមឱ្យអស់ពីសមត្ថភាពដើម្បីទទួលបានលទ្ធផលល្អបំផុត”។
“វាច្បាស់ណាស់ថាក្រុម ៣ ផ្សេងទៀតគឺខ្លាំងជាងពួកយើង ប៉ុន្តែយើងបានត្រៀមខ្លួនយ៉ាងល្អ យើងបានវិភាគសមត្ថភាពគូប្រជែងរបស់យើងដើម្បីយកឈ្នះឡើងទៅវគ្គបន្ត”។
ពេលសួរអំពីការប្រឺមមុខជាមួយ U23ជប៉ុន លោក Nishinoថា៖” យើងមិនមានបំណងប្រឈមមុខនឹងក្រុម U23 ជប៉ុនឬគូប្រជែងណាមួយនៅក្នុងការប្រកួតនោះទេ។ យើងយកចិត្តទុកដាក់តែកន្លែងមួយនៅអូឡាំពិកទីក្រុងតូក្យូ ២០២០ប៉ុណ្ណោះ។ កីឡាកររបស់ខ្ញុំមានសក្តានុពលប៉ុន្តែខ្វះបទពិសោធ។ ការប្រកួតនេះគឺជាឱកាសដ៏ល្អរបស់ពួកគេសម្រាប់អ្នកចូលលេងលើកដំបូង។ ការប្រកួតជាមួយបារ៉ែន U23 នឹងក្លាយជាការសាកល្បងថាមពលរបស់យើង។ ក្រុមទាំងមូលនឹងផ្តោតលើការប្រកួតនេះមុនពេលគិតអំពីអ្នកដទៃ”។
U23 ថៃ នឹងត្រូវប្រកួតបើកឆាកទល់ជាមួយជម្រើសជាតិប៉ារ៉ែន U23 នៅយប់ថ្ៃទី៨មករានេះនៅវេលាម៉ោង៨និង១៥នាទី៕