ក្រុម Inter Milan កំពុងទាក់ទងទិញបានកីឡាករ Ashley Young ពីក្រុម Manchester United ក្រោយពីរូបគេនឹងផុតកុងត្រានៅរដូវក្ដៅខាងមុខនេះ។
Young នៅសល់កុងត្រាតែ៦ខែទៀតប៉ុណ្ណោះជាមួយក្រុម Man Utd ខណៈដែលក្លឹបនៅអង់គ្លេសនេះ ក៏ទំនងមិនបន្ដកុងត្រាថ្មីឱ្យទៀតដែរ។ ដូច្នេះហើយ Inter Milan ដែលដឹកនាំដោយលោក Conte បានចាប់ផ្ដើមចរចាជាមួយសាមីខ្លួននិងក្លឹបបិសាចក្រហមតែម្ដង ដើម្បីធ្វើយ៉ាងណាអាចយកបាននៅខែមករានេះ ដើម្បីជួយក្រុមប្រជែងពានរង្វាន់នៅលីគអ៊ីតាលី។
ខ្សែការពារវ័យ៣៤ឆ្នាំរូបនេះ ផ្លាស់ពីក្រុម Aston Villa មកកាលពី៨ឆ្នាំមុន។ ដោយក្រោមការដឹកនាំរបស់លោក Sir Alex រូបគេលេងបានយ៉ាងល្អ ប៉ុន្តែក្រោយមកទៀត ទម្រង់លេងរៀងធ្លាក់ចុះបន្តិច។ ក្រុម Inter Milan ចង់បានកីឡាករខាងលើនេះច្រើនដងមកហើយ ប៉ុន្តែមិនបានសម្រេច។ ដូច្នេះរដូវកាលនេះ អាចជាឱកាសល្អសម្រាប់ពួកគេហើយ៕ប្រភព៖ Dailymail
