ក្រុម Real Madrid បានធ្វើដំណើរដល់ប្រទេសអារ៉ាប៊ីសាអ៊ូឌីតហើយ ដើម្បីត្រៀមខ្លួនលេងពានរង្វាន់ Super Cup ទល់ក្រុម Valencia នៅថ្ងៃទី៩ខាងមុខនេះ ។
សម្រាប់ការប្រកួតពានរង្វាន់នេះដែរ ក្រុម Real Madrid អវត្តមានកីឡាករសំខាន់ដល់ទៅ២នាក់ទៅហើយ។ កីឡាករសំខាន់២នាក់នោះរួមមាន Karim Benzema ដែលរងរបួសសរសៃពួរបន្តិចបន្តួច និង Gareth Bale ដែលឈឺដើមទ្រូង។ របួសនេះមិនធ្ងន់ធ្ងរអ្វីខ្លាំងទេ ប៉ុន្តែលោក Zidane មិនចង់ប្រថុយឱ្យពួកគេចូលលេងទើប មិនហៅមករួមក្រុមលេងពាន Super Cup នេះ។
ការប្រកួតពានរង្វាន់ Super Cup នេះ មានក្រុមចូលរួមតែ៤ពិន្ទុគឺ Real Madrid , Barcelona , AT Madrid និង Valencia ។ ក្រុម Real Madrid ប៉ះ Valencia និងក្រុម FC Barcelona ប៉ះក្រុម AT Madrid ។ ក្រុមណាឈ្នះនឹងឡើងទៅវគ្គផ្ដាច់ព្រ័ត្រតែម្ដង ដែលធ្វើឡើងនៅថ្ងៃ១៣ខែមករាឆ្នាំ២០២០នេះ៕ប្រភព៖ DailyMall
