លោក Lampard អ្នកចាត់ការក្រុម Chelsea បានបង្ហើបថាលោកអាចឱ្យខ្សែប្រយុទ្ធ Olivier Giroud ចាកចេញពីក្រុមបាននៅខែមករានេះ ប្រសិនបើមានក្លឹបណាចង់បានរូបគេទៅ។
Giroud មិនសូវមានឱកាសលេងឡើយ ក្រោមការដឹកនាំរបស់លោក Lampard ដូច្នេះហើយទើបបានជារូបគេចង់ចាកចេញពីក្រុមដើម្បីស្វែងរកក្លឹបថ្មី ទទួលបានឱកាសលេងវិញ។ ចំពោះរឿងនេះដែរ លោក Lampard ដែលជាអ្នកចាត់ការក៏មិនហាមឃាត់អ្វីដែរ ដោយលោកនឹងឱ្យកីឡាករបារាំងនេះចាកចេញខែមករាតែម្ដង ប្រសិនបើមានក្លឹបចង់បានមែន។
Newcastle United និង Aston Villa ជាក្លឹប២នៅអង់គ្លេស ដែលចង់បានខ្សែប្រយុទ្ធខាងលើនេះ។ ស្របពេលក្លឹប Inter Milan នៅអ៊ីតាលី ក៏បានបង្ហាញពីការចាប់អារម្មណ៍លើកីឡាករវ័យ៣៣ឆ្នាំនេះដែរ ព្រោះថាលោក Conte មានទំនាក់ទំនងល្អជាមួយGiroud ៕ប្រភព៖ Dailymail