Bayern Munich ​សួរ​តម្លៃ ​Hakimi ​ចង់​ទិញ​ពី Real Madrid ​

​ក្រុម Bayern Munich ​កំពុង​សាកសួរ​តម្លៃ​ខ្លួន​របស់​ខ្សែ​ការពារ​ស្លាប ​Achraf Hakimi ពី​ក្រុម Real Madrid ​ក្រោយ​ពី​ឃើញ​សមត្ថភាព​កីឡាករ​រូប​នេះ​លេង​ល្អ​ខ្លាំង​មែនទែន។

Achraf Hakimi ​ត្រូវ​បាន​ក្រុម Real Madrid ​ឱ្យ Dortmund ​ខ្ចី​ជើង​។ ​ទៅ​លេង​នៅ​អាល្លឺម៉ង់ Hakimi ​បាន​បង្ហាញ​សមត្ថភាព​លេច​ធ្លោ​ខ្លាំង​មែនទែន ​ដោយ​បច្ចុប្បន្ន​ក្រុម Dortmund ​បាន​ផ្ដល់​តួនាទី​លេង​ស្លាប​ដល់​ទៅ​រូបគេ​ទៅ​ហើយ ​និង​រក​គ្រាប់​បាល់​បាន​ជា​ញឹកញាប់​ថែម​ទៀត​ផង។ ឃើញ​លេង​នៅ Dortmund ​ល្អ​ខ្លាំង​នេះ​ហើយ ទើប​បាន​ជា Bayern Munich ​ស្កាត់​ទៅ​សួរ​តម្លៃ Real Madrid ​ភ្លាម ព្រោះ​ចង់​បាន​នៅ​រដូវ​ក្ដៅ​នេះ។

ក្រុម Dortmund ​ផ្ទាល់ ​ក៏​ចង់​ទិញ​យក​ផ្ដាច់​តែ​ម្ដង​ផង​ដែរ ​ក្រោយ​ពី​អស់​សុពលភាព​ខ្ចី​ជើង។ ស្រប​ពេល Real Madrid ​វិញ ​នៅ​រារែក​នៅ​ឡើយ ​ក្នុង​ការ​លក់​ចេញ ឬ​នាំ​យក​កីឡាករ​វ័យ​២១​ឆ្នាំ​នេះ​មក​លេង​វិញ។ ដោយ​មើល​ឃើញ​ថា​បច្ចុប្បន្ន​ក្រុម Real Madrid ​កំពុង​ប្រមូល​កីឡាករ​ល្អ ក្មេង​ៗ​ច្រើន ​ដូច្នេះ​លោក Zidane ​អាច​នឹង​មិន​ព្រម​លក់ Hakimi ​ទៅ​ងាយ​ៗ​នោះ​ទេ៕ប្រភព៖ Dailymail


ភ្ជាប់ទំនាក់ទំនងជាមួយ CTS SPORT