នារដូវកាល ២០១៩/២០ មានតែអ្នកចាំទី Thibaut Courtois មួយរូបគត់ដែលអាចសង្រ្គោះបាល់ Clean Sheet ដល់ទៅ ៩ លើក និងចាយពេលប្រកួតតិចបំផុត បើធៀបនឹងកម្រិតអ្នកចាំទីពីររូបផ្សេងទៀតមាន Oblak របស់ At Madrid និង Simon របស់ Athletic។
កីឡាករបែលហ្សិកត្បិតកាលពីរដូវកាលចាស់រងការរិះគន់ខ្លាំងពីសំណាក់អ្នកគាំទ្រ ប៉ុន្តែចូលមកដល់រដូវកាលនេះគឺធ្វើបានល្អខ្លាំង ពោលដល់ថ្នាក់ទប់បាល់មិនឲ្យ Madrid របូតគ្រាប់ដល់ទៅ ៩ លើក ត្រឹមបង្ហាញខ្លួន ១៦ ប្រកួត ខណៈ Simon ប្រើពេល ១៨ ប្រកួត និង Oblak ប្រើពេល ១៩ ប្រកួត។
គួរបញ្ជាក់ថាកាលពីយប់មិញ Real Madrid បានយកឈ្នះទៅលើ Getafe CF នៅលទ្ធផល ០-៣ ដែលជាប្រកួតបើកឆ្នាំ ២០២០ ក្រោយ Raphael Varane ជាខ្សែ ការពាររកបាន ២ គ្រាប់ម្នាក់ឯងនិង Luka Modric បិទចុងតង់នៅនាទី ៩០+៦៕
ប្រភព៖ AF