ប្រភពពីការថ្លែងដោយផ្ទាល់របស់លោក Ole Gunnar Solskjaer ដែលជាអ្នកចាត់ការរបស់ក្លឹបបិសាចក្រហម Man Utd បានសង្កត់ធ្ងន់ថាខ្សែបម្រើ Paul Pogba នឹងមិនចាកចេញពីទ្រនំទឹកដី Old Trafford នោះទេនាខែមករា រដូវកាលទីផ្សារដោះដូរដើមឆ្នាំ ២០២០ នេះ។
ក្រោយលេចលឺដំណឹងល្ហិចល្ហៀងថាកីឡាករបារាំងចង់ចាកចេញ ជាពិសេសសំណាក់ក្លឹប Juventus និង Real Madrid កំពុងរង់ចាំស្វាគមន៍ ក៏ធ្វើឲ្យ Solskjaer កាន់តែចង់បញ្ចប់រឿងរ៉ាវនេះឲ្យឆាប់រហ័សបំផុត។ តាមរយៈកិច្ចសម្ភាសន៍ជាមួយ BBC អ្នកចាត់ការសញ្ជាតិន័រវេសបាននិយាយថា៖ “អ្នកនឹងមិនឃើញ Paul Pogba ចាកចេញទៅណានោះទេ នាខែមករានេះ”។
គួររំឭកថាកុងត្រារបស់ខ្សែបម្រើសម្បុរខ្មៅ នឹងត្រូវផុតនៅអំឡុង ១៨ ខែបន្ទាប់ ដោយតម្លៃខ្លួនរបស់គេប្រសិន ManU ទារអាចថ្លៃប្រហែល ១៥០ លានផោន៕ ប្រភព៖ Sportsmole