ខ្សែប្រយុទ្ធ Luis Suarez មិនចង់ឱ្យក្រុម Barcelona ផ្តោតទៅលើការស្មើជាមួយក្រុម Espanyol ពេកនោះទេ ព្រោះពួកគេនៅមានការងារច្រើនទៀតត្រូវធ្វើនៅប្រកួតបន្ទាប់។Suarez រកបាន១គ្រាប់ក្នុងការប្រកួតទល់ក្រុម Espanyol នៅយប់មិញ ប៉ុន្តែមិនអាចជួយក្រុមឱ្យទទួលបានជ័យជម្នះនោះទេ។ យ៉ាងណាមិញ ខ្សែប្រយុទ្ធកណ្ដាលរូបនេះ បានអះអាងថាលទ្ធផលស្មើគ្នាគឺមិនមែនជាអ្វីដែលក្រុម Barcelona ចង់បានឡើយ។ Barcelona ជាក្រុមល្អជាងគេលើលោក ពួកគេត្រូវការឈ្នះគ្រប់ប្រកួត និងឈ្នះពានរង្វាន់។
អតីតកីឡាករ Liverpool បានបន្ថែមទៀតថា៖ “យើងត្រូវពង្រឹងសមត្ថភាពនិងឈ្នះពានរង្វាន់ឱ្យបាន។ ជាពិសេសការប្រកួត Super Cup នាពេលខាងមុខ។ ខ្ញុំដឹងថាប៉ះក្រុម AT Madrid មិនមែនជារឿងងាយស្រួលទេ ប៉ុន្តែយើងត្រូវតែធ្វើឱ្យបាន។ យើងត្រូវឈ្នះពាន ដើម្បីបង្ហាញថាយើងជាក្រុមខ្លាំងបំផុត ល្អបំផុតនៅអេស្ប៉ាញ”៕
ប្រភព៖ Marca