Pep Guardiola បានបញ្ជាក់ថាការដឹកនាំក្រុមរបស់លោកមិនជោគជ័យទាល់តែសោះ បន្ទាប់ពីធ្លាប់ដឹកនាំក្រុម FC Barcelona ឈ្នះពាន៦ក្នុង១រដូវកាលមក។
នៅឆ្នាំ២០០៩ លោក Pep ដឹកនាំក្រុម FC Barcelona ជោគជ័យខ្លាំងបំផុត ដោយឈ្នះពានរង្វាន់ដល់ទៅ៦ឯណោះក្នុង១រដូវកាល។ ប៉ុន្តែក្រោយពីការជោគជ័យខ្លាំងបំផុតនោះមក លោកដឹកនាំក្រុមមិនអាចដើរតាមគន្លងឆ្នាំ២០០៩នោះទៀតទេ បើទោះជាទៅដឹកនាំក្រុមអាល្លឺម៉ង់ និងអង់គ្លេសនៅពេលនេះក៏ដោយ។
Pep បាននិយាយចំពោះរឿងខាងលើនេះថា៖ “បន្ទាប់ពីខ្ញុំធ្វើវាបាននៅឆ្នាំ២០០៩នោះមក ខ្ញុំធ្លាក់គ្រប់ឆ្នាំទាំងអស់វិញ។ ប៉ុន្តែវាជាអ្វីដែលខ្ញុំអាចទទួលយកបាន ខ្ញុំមិនអន់ចិត្តនោះទេ។ នេះជាបាល់ទាត់ អ្នកមិនអាចជោគជ័យរហូតបានឡើយ”៕ប្រភព៖ Marca
