ក្រុម Inter Milan រំពឹងថានឹងយកបានខ្សែបម្រើ Christian Eriksen ពីក្រុម Spurs នៅខែមករានេះ ដោយគ្រោងចំណាយប្រាក់២០លានផោន។
Eriksen មិនបានបន្ដកុងត្រាជាមួយក្រុម Spurs ទៀតនោះទេ ខណៈដែលកុងត្រារបស់គេអស់ត្រឹមរដូវកាលនេះហើយ។ ក្រុម Inter Milan ជាក្រុមតាមដាននិងទាក់ទងខ្សែបម្រើរូបនេះជាងគេ ហើយរំពឹងថានឹងយកបាននៅខែមករានេះ ក្នុងតម្លៃខ្លួន២០លានផោន។ ក្រុម Spurs របស់លោក Jose Mourinho ក៏អាចនឹងព្រមលក់ដែរ ត្បិតអីបើមិនលក់ទេ នារដូវក្ដៅនេះនឹងឱ្យរូបគេចេញដោយមិនទទួលបានប្រាក់តម្លៃខ្លួនហើយ។
Eriksen បានបង្ហាញសាររបស់ខ្លួនថា៖ “ខ្ញុំមានអារម្មណ៍ខ្ញុំកំពុងស្ថិតនៅកន្លែងមួយដែលត្រូវការអ្វីថ្មីផ្សេងទៀត។ ខ្ញុំពិតជាគោរពដល់ក្លឹប Spurs ប៉ុន្តែខ្ញុំពិតជាចង់បានអ្វីដែលថ្មីសម្រាប់ខ្លួនឯងមែន”។ សារនេះបានបញ្ជាក់យ៉ាងច្បាស់ថា Eriksen ពិតជាចង់ចាកចេញដើម្បីទៅរកក្លឹបថ្មីលេងហើយ៕ប្រភព៖ Dailymail
