តាមរបាយការណ៍ចុងក្រោយមួយបានចុះផ្សាយថាក្លឹប West Ham United បាននឹងកំពុងចូលប្រកួតប្រជែង AC Milan និង Manchester United នៅលើទីផ្សារដោះដូរ ដើម្បីចង់បានកីឡាករ Gedson Fernandes របស់ក្លឹប Benfica។
ដូចប្រិយមិត្តបានដឹងស្រាប់ហើយ Benfica ដែលបានបណ្តុះយុវជនជោគជ័យជាច្រើន ដោយកន្លងទៅ Joao Felix ដែលមានតម្លៃខ្លួន ១២៥ លានអឺរ៉ូ ផ្លាស់ទៅចូលរួមនៅ Atletico Madrid ក៏ចេញពីទ្រនំនៃក្លឹបព័រទុយហ្គាល់មួយនេះដែរ។
កាសែត A Bola បានចុះផ្សាយថា Fernandes បានកំពុងទទួលការចាប់អារម្មណ៍ខ្លាំងពីសំណាក់ក្លឹបនៅអង់គ្លេស ហើយអ្នករត់ការថ្មីលោក Pini Zahavi ទំនងជានឹងធ្វើការចរចាម្តងមួយភាគី ខណៈតម្លៃផ្តាច់កុងត្រារបស់បុរសវ័យ ២០ ឆ្នាំរូបនេះ បើតាមដឹងប្រហែល ១០០ លានអឺរ៉ូឯណោះ៕
ប្រភព៖ AF