Atletico Madrid ត្រូវបានគេដឹងថាកំពុងចាប់អារម្មណ៍ចង់បានខ្សែប្រយុទ្ធ Paco Alcacer ចេញពីក្លឹប Borussia Dortmund ក្រោយពេលដែលប្រព័ន្ធប្រយុទ្ធរបស់ខ្លួនហាក់មិនសូវទទួលបានផលវិជ្ជមាន ត្បិតអីបាននាំយក Joao Felix អស់ខ្ទង់រយលានអឺរ៉ូក៏ដោយ។
តាមសារព័ត៌មាន Bild បានចុះផ្សាយថាក្លឹប Dortmund ក៏ឆ្លើយតបមកវិញ តាមរយៈការស្នើតម្លៃខ្លួន Alcacer ប្រមាណ ៤០ លានអឺរ៉ូ ប្រសិនណាក្លឹបនៅអេស្ប៉ាញពីតជាចង់បានរូបគេមែននោះ។
Dortmund បានចាយ ៣០ លានទិញយក Alcacer កាលពីឆ្នាំ ២០១៩ ចេញពី Barcelona អ៊ីចឹងក៏មានបំណងចង់រកបានផលចំណេញខ្លះពីការលក់រូបគេទៅទឹកដីអេស្ប៉ាញវិញ។
គួរបញ្ជាក់ថាក្រោយពេល Haaland មកដល់ មន្ទិលសង្ស័យនៃអនាគតរបស់ខ្សែប្រយុទ្ធវ័យចំណាស់រូបនេះ ហាក់មិននឹងនរទាល់តែសោះ។ សម្រាប់ Atletico បច្ចុប្បន្នគឺរាប់ថាមានគោលដៅ ២ ហើយក្រៅពី Alcacer គឺមាន Cavani របស់ក្លឹប PSG មួយរូបទៀត៕
ប្រភព៖ Marca