ក្រុមបិសាចក្រហម Manchester United កំពុងចូលខ្លួនប្រជែងទិញយកយុវជន Todd Cantwell ពីក្រុម Norwich ក្នុងតម្លៃខ្លួន៣០លានផោន។
យុវជនវ័យ២១ឆ្នាំរូបនេះ លេងបានយ៉ាងល្អឱ្យក្រុម Norwich នារដូវកាលនេះ ដោយរកបាន៦គ្រាប់មកហើយ។ Todd ត្រូវបានក្លឹបជាច្រើនចង់បាន ជាពិសេសក្រុម Man City មុនគេ ហើយបច្ចុប្បន្នស្រាប់តែមានដំណឹងថា Man Utd របស់លោក Ole ឯណោះ ក៏បានចូលខ្លួនមកប្រជែងផងដែរ។ ខ្សែបម្រើរូបនេះ ត្រូវបានក្រុមបិសាចក្រហម ចង់យកទៅជំនួសកន្លែងរបស់ Paul Pogba និង Scott McTominay ដែលកំពុងមានរបួស។
Todd ក៏បានជាប់ឈ្មោះជាយុវជនឆ្នើមនិងកីឡាករគេតាមដានច្រើននៅអង់គ្លេសផងដែរ ដូច James Maddison របស់ក្រុម Leicester City និង Jack Grealish របស់ក្រុម Aston Villa ។ តម្លៃខ្លួនរបស់ Todd អាចនឹងលើស៣០លានផោនទៀត ទើបក្រុម Norwich អាចលក់រូបគេចេញ ព្រោះបច្ចុប្បន្នកុងត្រានៅសល់ដល់ឆ្នាំ២០២២ ឯណោះ៕ប្រភព៖ Dailymail