Calum Chambers ខ្សែការពារកណ្ដាលរបស់ក្រុម Arsenal នឹងត្រូវអវត្តមានយ៉ាងតិច៩ខែ ដោយសារតែរងរបួសជង្គង់ត្រូវវះកាត់ជាបន្ទាន់។
Chambers បានវះកាត់ជោគជ័យហើយកាលពីម្សិលមិញ។ រូបគេនឹងត្រូវសម្រាកពីទីលានពី៦ទៅ៩ខែ ទើបអាចចូលហាត់វិញបាន។ ការបាត់បង់ខ្សែការពារកណ្ដាលនេះ ធ្វើឱ្យលោក Arteta មានភាពស្មុគស្មាញបន្តិច ត្បិតអីក្រុមទើបរកឃើញទម្រង់លេងល្អផង។ ខ្សែការពារវ័យ២៤ឆ្នាំនេះ បានចូលលេងដល់ទៅ១៨ប្រកួតមកហើយនារដូវកាលនេះឱ្យក្រុមកាំភ្លើងធំ។
កត្ដាកីឡាកររបួសនេះហើយ ទើបបានជាលោក Arteta រំពឹងថានឹងគ្មានកីឡាករណាម្នាក់ចាកចេញពីក្រុមនាខែមករានេះទេ។ លោក ចង់ឃើញអ្នកគាំទ្រនិងកីឡាករទាំងអស់ លើកទឹកចិត្ត Granit Xhaka ឱ្យបន្ដរួមរស់ជាមួយក្រុមទៀត បើទោះជាបច្ចុប្បន្នក្លឹបនៅអាល្លឺម៉ង់កំពុងទាក់ទងគេខ្លាំងក៏ដោយ៕ប្រភព៖ Bbc