ក្រុម Liverpool បានយកឈ្នះលើក្រុម Sheffield United ក្នុងលទ្ធផល ២-០ នាការប្រកួតលីគកំពូលអង់គ្លេសដើមឆ្នាំ២០២០នេះ។
ក្រៅពីទទួលបាន៣ពិន្ទុបន្ថែម ធ្វើឱ្យក្រុម Liverpool ឈរដាច់ក្រុមលេខ២ ដល់ទៅ១៣ពិន្ទុហើយនោះ ពួកគេក៏មានកំណត់ត្រាពិសេសមួយទៀតដែរ។ ក្រុមហង្សក្រហម នាពេលនេះ គឺមានកំណត់ត្រាមិនចាញ់សោះនៅអង់គ្លេសបានរយៈពេល១ឆ្នាំពេញហើយ ពោលគឺពួកគេចាញ់ក្រុម Man City នៅខែមករាឆ្នាំ២០១៩ ហើយតាំងពីពេលនោះមក មិនចាញ់ក្រុមណាទៀតនោះទេ រហូតមកដល់ពេលនេះ។
ក្រុម Liverpool ខកខានលើកពានរង្វាន់លីគកំពូលអង់គ្លេស៣០ឆ្នាំមកហើយ ដូច្នេះឆ្នាំនេះអាចជាឆ្នាំប្រវត្តិសាស្ត្រថ្មីក្នុងការឈ្នះពានរង្វាន់ក្នុងស្រុកឡើងវិញរបស់ក្រុមនេះ។ អ្នកគាំទ្រ និងអ្នកវិភាគជាច្រើន គិតថាវាសមល្មមសម្រាប់ក្រុមហង្សក្រហម ក្នុងការត្រលប់មកឈរនៅកំពូលតារាង ដើម្បីស្ដាកេរ្តិ៍ឈ្មោះឡើងវិញហើយ៕ប្រភព ៖ Dailymail
