ក្រុម Spurs នឹងត្រូវគ្មានខ្សែប្រយុទ្ធ Harry Kane រហូតដល់៨សប្ដាហ៍ ដោយសារតែរូបគេបានរងរបួសក្នុងការប្រកួតកន្លងទៅ លេងទល់ក្រុម Southampton។
ការរបួសខ្សែប្រយុទ្ធសំខាន់ ហើយត្រូវការសម្រាកច្រើនសប្ដាហ៍នេះ បានធ្វើឱ្យលោក Jose Mourinho កាន់តែឈឺក្បាលថែមទៀតហើយ។ យ៉ាងណាមិញ ដោយសារតែ Son អាចត្រលប់ចូលលេងបាន ក្រោយអស់ពិន័យនោះ លោក Jose អាចនឹងប្រើប្រាស់ខ្សែប្រយុទ្ធកូរ៉េខាងត្បូងនេះ ដើម្បីដើរតួជាកីឡាករសំខាន់ក្នុងការរកគ្រាប់បាល់វិញ។
ការប្រកួតដែល Kane អាចនឹងអវត្តមានរួមមាន Liverpool, Watford, Norwich, Manchester City និង Aston Villa។ នៅសល់ការប្រកួតពានរង្វាន់ UEFA Champions League ទល់ក្រុម RB Leipzig នៅខែក្រោយថែមទៀត៕ប្រភព៖ Dailymail
