Real Madrid ​តាម​ទិញ​ប្អូន​ប្រុស​របស់ Mbappe ​

​ក្រុម Real Madrid ​កំពុង​ចរចា​ទិញ​យក​ប្អូន​ប្រុស​របស់ Kylian Mbappe ​មាន​ឈ្មោះ​ថា ​​Ethan ​វ័យ​១៣​ឆ្នាំ​ដែល​កំពុង​លេង​ឱ្យ​យុវជន​ក្រុម PSG ​។

Ethan ​មាន​ទម្រង់​លេង​មិន​ខុស​ពី​បង​ប្រុស​របស់​គេ​ឡើយ។ ​ដូច្នេះ​ហើយ ទើប​ក្រុម Real Madrid ​មើល​ឃើញ ​និង​ចង់​នាំ​រូបគេ​មក​ហាត់​នៅ​ថ្នាល​របស់​ក្រុម​អធិរាជ​ស​វិញ ដើម្បី​បណ្ដុះបណ្ដាល​សម្រាប់​ពេល​អនាគត។ ​ក្រុម​របស់​លោក Zidane ​នេះ ​ក៏​ចង់​បាន Mbappe ​ផង​ដែរ ប៉ុន្តែ​មិន​ទាន់​អាច​យក​បាន ព្រោះ​តម្លៃ​ខ្លួន​ដែល PSG ​ព្រម​លក់​នោះ អាច​ដល់​ទៅ​៣០០​លាន​អឺរ៉ូ​ឯ​ណោះ។

ក្រុម Real Madrid ​កំពុង​ត្រូវ​ការ​ខ្សែ​ប្រយុទ្ធ​មក​ពង្រឹង​តំបន់​ខាង​លើ​របស់​ខ្លួន ​ក្រោយ​ពី​ពួកគេ​ចំណាយ​ប្រាក់​ទិញ​កីឡាករ​ថ្មី​ចូល​ដូចជា Jovic ​និង Hazard ​ដែរ ប៉ុន្តែ​មិន​ទទួល​បាន​ផល​អ្វី​ឡើយ។ ​លោក Zidane ​បាន​បញ្ជាក់​ថា​នៅ​ខែ​មករា​នេះ ​អាច​នឹង​មិន​មាន​ការ​ទិញ​ចូល​អ្វី​នោះ​ទេ ​ដោយសារ​តែ​ក្រុម​ចំណាយ​ប្រាក់​ច្រើន​ទៅ​ហើយ​កាល​ពី​រដូវ​កាល​ដោះដូរ​កីឡាករ៕ប្រភព៖ Dailymail


ភ្ជាប់ទំនាក់ទំនងជាមួយ CTS SPORT