ក្រុមកាំភ្លើងធំ Arsenal បានយកឈ្នះលើក្រុម Manchester United ក្នុងលទ្ធផល ២-០ ក្នុងការប្រកួតបើកឆាកឆ្នាំ២០២០កាលពីយប់មិញនេះ។
ក្នុងការប្រកួតនេះ គឺជាប្រកួតទទួលបានជ័យជម្នះលើកដំបូងសម្រាប់អ្នកចាត់ការថ្មី Mikel Arteta ។ ខណៈដែលអ្វីដែលគួរឱ្យចាប់អារម្មណ៍ថែមទៀតនោះ គឺខ្សែបម្រើ Mesut Ozil ក៏បង្ហាញទម្រង់លេងល្អឡើងវិញដែរ។ ម្ចាស់អាវលេខ១០នេះ ទទួលបានការទុកចិត្តច្រើនពីអ្នកចាត់ការថ្មី ហើយការប្រកួតនៅយប់មិញ រូបគេក៏បានបង្ហាញខ្លួនជាជម្រើស១១នាក់ដំបូង ជួយក្រុមទទួលបានជ័យជម្នះថែមទៀត។
អ្នកវិភាគជាច្រើនឃើញថា នេះជាប្រកួតដំបូងដែលពួកគេបានឃើញ Ozil ញញឹមឡើងវិញ ក្នុងរយៈពេល១៨ខែមកហើយ។ កីឡាករអាល្លឺម៉ង់ បានបញ្ជាក់ទៀតថាខ្លួនរកឃើញជីវិតថ្មី ទម្រង់លេងថ្មី ក្រោមការដឹកនាំរបស់លោក Arteta ហើយ៕ប្រភព៖ Dailymail
