ទន្ទឹមនឹងការបរាជ័យ ១-០ ក្រោមថ្វីជើងរបស់ Southampton លោក Jose Mourinho ដែលជាអ្នកចាត់ការ Tottenham Hotspur ហាក់មានការខឹងសម្បាជាខ្លាំង គួបផ្សំនឹងការទទួលកាតលឿងមកលើសំណាក់ខ្លួនជាគ្រូបង្វឹកផងនោះ។
‘Special One’ ត្រូវបានពិន័យកាតដោយអាជ្ញាកណ្តាលលោក Mike Dean បន្ទាប់ពីប្រទះឃើញថា Jose បានដើរចូលទៅកាន់តំបន់កីឡាករបម្រុងរបស់ Southampton ហើយទំនងជាមានលួចចំណាំទុកនូវក្រដាសកត់យុទ្ធសាស្រ្តលេងរបស់គ្រូម្ខាងទៀត។
យ៉ាងណាមិញក្រោយបិទការប្រកួតលោក Jose Mourinho បានបោះពាក្យថា៖ “ខ្ញុំគិតថាកាតលឿងហ្នឹងវាសក្តិសមនិងយុត្តិធម៌ហើយ ព្រោះខ្ញុំមានអាកប្បកិរិយាមានសមរម្យ ប៉ុន្តែនេះខ្ញុំប្រើអាកប្បកិរិយាមិនសមរម្យទៅដាក់មនុស្សល្ងីល្ងើតែប៉ុណ្ណោះ”។
សួរនាំរឿងមើលក្រដាសនោះឬអត់ លោក Mourinho ឆ្លើយដដែលថា៖ “ថាម៉េច? ខ្ញុំមិនដឹងថាត្រូវនិយាយយ៉ាងម៉េចទេលើរឿងហ្នឹង”។
រំឭកថា Tottenham ប៊ិះតែនឹងបានតាមស្មើគ្រាប់បាល់ ១-១ ដោយថ្វីជើង Harry Kane ទៅហើយ ប៉ុន្តែការត្រួតពិនិត្យរបស់ VAR បានកាត់សេចក្តីទៅជាបាល់ Offside។ ជាមួយរឿងនេះ Jose ក៏ធ្លាប់និយាយកន្លងទៅដែរថាបច្ចេកវិទ្យាសព្វថ្ងៃ វាធ្វើឲ្យខ្លួនមិនសប្បាយចិត្ត៕ ប្រភព៖ FoxSportAsia