ភ្នំពេញ​ក្រោនបង្ហាញមុខ​កីឡាករបរទេស​ទី​៣​ត្រៀម​ប្រកួតប្រជែង​ Cambodian League រដូវ​កាល​២០២០

ក្លិប​បាល់​ទាត់​ភ្នំពេញ​ក្រោន​បាន​ប្រកាស​អំពី​ការ​ចុះ​កុងត្រា​យក​ខ្សែ​បម្រើ​សញ្ជាតិ​ជប៉ុនកីឡាករ Massaki Ideguchi ខណៈ​កីឡាករ​រូបនេះក្លាយជាកីឡាករបរទេសទី៣សម្រាប់ក្រោន​ត្រៀម​ប្រកួតប្រជែង​លីគ​រដូវ​កាល​២០២០ខាងមុខ។

ខ្សែបម្រើកណ្តាល Ideguchi ចាប់ផ្តើមអាជីពបាល់ទាត់ជាមួយក្លិប Yokohama FC កាលពីឆ្នាំ ២០១១ ដល់ ២០១៥ អំឡុងពេលលេងនៅ J2 League របស់ជប៉ុន។ បន្ទាប់មកបានចាកចេញទៅលេងបាល់ទាត់នៅក្រៅស្រុកជាមួយ Metro Gallery FC របស់ ហុងកុង, Hoàng Anh Gia Lai វៀតណាម និង FC Osaka របស់ជប៉ុន មុនពេលផ្លាស់មកលេងលើទឹកដីកម្ពុជា កាលពីឆ្នាំ២០១៩ ជាមួយក្លិប វិសាខា។

រូប​គេ​ជា​កីឡាករ​បរទេស​ទី​៣​ហើយ​ដែល​ចុះ​កុងត្រា​ជាមួយ​ក្រោន​នៅ​រដូវ​កាល​២០២០​នេះ​ខណៈ ២​រូប​ផ្សេង​ទៀត​គឺ Paul Esoh Omogba, និង​ Andres Nieto។

ភ្ជាប់ទំនាក់ទំនងជាមួយ CTS SPORT