ក្រុម​អង់គ្លេស ​កំពុង​ហ្វឹកហាត់​ទាត់​ប៉េណាល់ទី ​មុន​ប៉ះ​កូឡុំប៊ី​យប់​នេះ

ក្រុម​បាល់ទាត់​ជម្រើស​ជាតិ​អង់គ្លេស ​កំពុង​ហ្វឹកហាត់​ការ​ទាត់​បាល់​ពិន័យ​១១​ម៉ែត្រ​កាត់​សេចក្ដី ​ដើម្បី​ត្រៀម​ខ្លួន​តតាំង​ជាមួយ​ក្រុម​កូឡុំប៊ី​នៅ​រាត្រី​ម៉ោង​១​រំលង​អាធ្រាត្រ​នេះ។

លោក Gareth Southgate ​រំពឹង​ថា​កូន​ក្រុម​របស់​ខ្លួន ​នឹង​ធ្វើ​បាន​ល្អ ​កសាង​ប្រវត្តិសាស្ត្រ​ថ្មី​មួយ​ទៀត​នោ​អង់គ្លេស ​ដោយ​យក​ឈ្នះ​លើ​កូឡុំប៊ី​ឡើង​វគ្គ​៨​ក្រុម​ចុង​ក្រោយ​បាន។ ​យ៉ាងណាមិញ ​តោ​កំណាច​មួយ​នេះ ​ក៏​មិន​អាច​មើល​ស្រាល​ដៃ​គូ​បាន​ឡើយ។ លេង​ដោយ​ការ​ប្រុងប្រយ័ត្ន​ដូច​គ្នា ​ក្រុម​អង់គ្លេស ​បាន​ជ្រើសរើស​កីឡាករ​ដើម្បី ត្រៀម​ទាត់​បាល់​កាត់​សេចក្ដី​១១​ម៉ែត្រ​រួច​ទៅ​ហើយ។

 

៥​នាក់​ដំបូង​របស់​អង់គ្លេស ​ដែល​ត្រូវ​ទាត់​មុន​គេ​នោះ​គឺ Harry Kane, Kieran Trippier, Jesse Lingard, Jordan Henderson ​និង Ashley Young។ ​កីឡាករ​ទាំង៥​នាក់​នេះ ​ត្រូវ​បាន​លោក Gareth Southgate ​ត្រូវ​បាន​លោក ​ចាត់​ទុក​ជា​កីឡាករ​ដំបូង ​ដែល​ធ្វើ​បាន​ល្អ​និង​ត្រៀម​ខ្លួន​ទាត់​មុន​គេ។ យ៉ាងណាមិញ ​ក្នុង​ការ​ប្រកួត ​ប្រសិន​បើ​មាន​បាល់​ពិន័យ​១១​ម៉ែត្រ ​នោះ​កីឡាករ​ទី​១​ដែល​ទាត់​គឺ Harry Kane ​ដដែល។

យ៉ាងណាមិញ ​អង់គ្លេស​មិន​ចង់​ឱ្យ​មាន​ការ​ទាត់​បាល់​កាត់​សេចក្ដី​ឡើយ ត្បិត​អី​ពួកគេ​ធ្វើ​មិន​បាន​ល្អ​ឡើយ​នៅ​វគ្គ​នេះ ដោយ​តែងតែ​បរាជ័យ​ជា​និច្ច។ ដូច្នេះ​ហើយ ​លោក Gareth Southgate ​រំពឹង​ថា​កូន​ក្រុម​នឹង​ធ្វើ​បាន​ល្អ ​ហើយ​សម្រេច​សេចក្ដី​ការ​ប្រកួត​ត្រឹម​រយៈ​ពេល​៩០​នាទី ​ឬ​ថែម​១៥​នាទី​២​ដង​តែ​ម្ដង៕ប្រភព៖ DailyMail

 

ភ្ជាប់ទំនាក់ទំនងជាមួយ CTS SPORT