At សម្លឹង​ឃើញ​ខ្សែ​ប្រយុទ្ធ​របស់ Dortmund ​ក្រោយ​ក្លឹប​អាល្លឺម៉ង់​ទើប​យក​បាន Haaland

Borussia Dortmund ទើប​តែ​ទទួល​បាន​ជោគជ័យ​លើ​ការ​នាំ​យក​ខ្សែ​ប្រយុទ្ធ Erling Haaland ចេញ​ពី​ទ្រនំ RB Salzburg មក​ចូលរួម​នៅ​ទឹក​ដី​អាល្លឺម៉ង់។

ទន្ទឹម​នឹង​ដំណឹង​នេះ​ក៏​ធ្វើ​ឲ្យ Atletico Madrid ​បាន​ដាក់​គោលដៅ​ទៅ​លើ​ខ្សែ​ប្រយុទ្ធ Paco Alcacer ​ដោយ​មាន​បំណង​ចង់​នាំ​យក​កីឡាករ​វ័យ ២៦ រូប​នេះ​មក​ចូលរួម​នៅ LaLiga Santander។

សម្រាប់ At មាន​ផ្លូវ​ពីរ​ក្នុង​ការ​ចរចា​យក Alcacer ដោយ​មួយ​នៅ​លក្ខខណ្ឌ​ខ្ចី​ជើង​ពេញ​មួយ​រដូវ​កាល ឬ​អាច​ទិញ​ដាច់​ថ្លៃ​ក្នុង​តម្លៃ​ប្រមាណ ៣០ លាន​អឺរ៉ូ នេះ​ជា​តម្លៃ​ទាប​បំផុត​ដែល Dortmund នឹង​ទាមទារ ព្រោះ​កាល​យក​ចេញ​ពី Barcelona ក៏​ថ្លៃ​ប៉ុណ្ណឹង​ដែរ។

រំឭក​ថា Alcacer ក៏​មាន​ទំនាក់ទំនង​ល្អ​ស្រាប់​ជាមួយ Alvaro Morata ហើយ​ការ​ត្រលប់​ទៅ​អេស្ប៉ាញ​ក៏​ជា​រឿង​ដ៏​ល្អ​មួយ​សម្រាប់​អ្នក​ទាំង​ពីរ ខណៈ​នៅ​ជម្រើស​ជាតិ​ក្រោម​ការ​ដឹកនាំ​របស់​លោក Luis Enrique គឺ​សុទ្ធ​សឹង​មាន​ឈ្មោះ លេង​នៅ Euro ២០២០ ដូចៗ​គ្នា៕ ប្រភព៖ Marca

ភ្ជាប់ទំនាក់ទំនងជាមួយ CTS SPORT