ខ្សែបម្រើ De Jong របស់ក្រុម Barcelona និយាយថាលីគ Premier League របស់អង់គ្លេស មានកម្រិតប្រកួតប្រជែងខ្ពស់ជាងលីគ La Liga របស់អេស្ប៉ាញ។
De Jong មានក្លឹបអង់គ្លេសជាច្រើនចង់បានកាលពីរដូវកាលមុននេះ ប៉ុន្តែរូបគេបានសម្រេចចិត្តផ្លាស់ទៅលេងនៅក្រុម Barcelona វិញ ក្រោយការដឹកនាំរបស់លោក Valverde ។ ការទៅលេងនៅ La Liga នេះ យុវជនឆ្នើមសញ្ជាតិហុល្លង់នេះ តែងតែឆក់ឱកាសបានលេងជម្រើសដំបូងជានិច្ច ដោយសារតែរូបគេលេងបានយ៉ាងល្អជាមួយសមាជិកក្រុមដទៃទៀត។
ក្នុងបទសម្ភាសន៍កន្លងទៅ De Jong បាននិយាយប្រៀបធៀបលីគអេស្ប៉ាញ និងអង់គ្លេសថា៖ “ខ្ញុំធ្លាប់គិតថា La Liga ជាលីគខ្លាំងបំផុតនៅលើលោកនេះ។ អ្នកអាចឃើញក្រុមពីអេស្ប៉ាញទៅ ប្រកួតក្នុងពានកម្រិតអន្តរជាតិ តែងតែជោគជ័យជានិច្ច។ ពួកគេលេងបានល្អនៅ UEFA Champions League និង Europa League ។ ប៉ុន្តែ Premier League បានបង្ហាញថាពួកគេគឺជាលីគមានការប្រកួតប្រជែងខ្ពស់ជាង។ ការប្រកួតក្នុងប្រទេសអង់គ្លេស តែងតែធ្វើឱ្យអ្នកគាំទ្រពិបាកស្មានជានិច្ច”៕ប្រភព៖ Marca
