លោក Roberto Martinez ដឹងច្បាស់ថាការប៉ះប្រេស៊ីលនៅវគ្គ៨ក្រុមចុងក្រោយ គឺជាការប្រកួតធំបំផុតមួយសម្រាប់បែលហ្សិក ព្រោះថាប្រេស៊ីលជាក្រុមមានកម្រិតលេងដល់កំពូលហើយ។
ប្រេស៊ីលបានយកឈ្នះលើក្រុមមិចសិកូ ២-០ និងក្រុមបែលហ្សិកបានយកឈ្នះលើក្រុមជប៉ុន ៣-២ ក្នុងការប្រកួតយប់មិញនេះនៅ FIFA World Cup 2018 ។ ក្រុមដែលឈ្នះទាំងពីរនេះ នឹងត្រូវប៉ះគ្នានៅវគ្គ៨ក្រុមចុងក្រោយនាពេលខាងមុខនេះ។ ស្របពេលជាមួយគ្នា លោក Martinez បញ្ជាក់ថាក្រុមបែលហ្សិកនឹងលេងក្បួនថ្មី ក្នុងការប៉ះជាមួយប្រេស៊ីលនេះ។
“យើងដឹងហើយថាប្រេស៊ីលជាក្រុមខ្លាំងបំផុតមួយនៅលើលោកនេះ។ ពួកគេមានកីឡាករល្អៗច្រើន ហើយក្បួនលេងពិតជាលឿន។ ក្រុមដែលមានកីឡាករដូចជា Neymar និង Coutinho នេះ អាចកែប្រែការប្រកួតត្រឹមពេល១វិនាទីប៉ុណ្ណោះ។ ខ្ញុំអាចនិយាយបានថា អ្នកគាំទ្រនឹងជក់ចិត្តចំពោះការប្រកួតខាងមុខ”។ សម្ដីរបស់លោក Martinez ៕ប្រភព៖ DailyMail