• ឥណ្ឌូណេស៊ី តែងតាំង​គ្រូ​ថ្មី ​ជា​អ្នក​ល្បី​ឈ្មោះ​នៅ​កូរ៉េ​ខាង​ត្បូង​

    ​ក្រុម​បាល់ទាត់​ជម្រើស​ជាតិ​ឥណ្ឌូណេស៊ី ​បាន​តែងតាំង​លោក Shin Tae-yong ​មក​ដឹក​នាំ​ក្រុម ​ក្នុង​កុងត្រា​រយៈ​ពេល​៣​ឆ្នាំ ​ដោយ​កាន់​ទាំង​ឈុត​ធំ ​និង​តូច​ទាំង​អស់​។លោក Shin Tae-yong ​នេះ​មាន​កេរ្តិ៏​ឈ្មោះ​ល្បី​នៅ World Cup ​ក្រោយ​ពី​លោក​អាច​ដឹក​នាំ​ក្រុម​កូរ៉េ​ខាង​ត្បូង​យក​ឈ្នះ​លើ​ក្រុម​អាល្លឺម៉ង់​បាន​ក្នុង​លទ្ធផល ២-០។ ​ការ​មក​ដឹក​នាំ​ក្រុម​ឥណ្ឌូណេស៊ី​នេះ ​ត្រូវ​បាន​សាមី​ខ្លួន​បញ្ជាក់​ថា​ចង់​ទទួល​បាន​បទ​ពិសោធ​ថ្មី​មួយ​ទៀត​ក្នុង​ការ​ដឹក​នាំ​ក្រុម​នៅ​អាស៊ី​អាគ្នេយ៍ ដែល​ពោរពេញ​ដោយ​ការ​ប្រកួត​ប្រជែង​។

    លោក Shin ​នឹង​ដឹក​នាំ​ក្រុម​ឈុត​ធំ U23 ​និង U20 ​លេង​ពាន​រង្វាន់​ជា​ច្រើន​ក្នុង​ឆ្នាំ​២០២០​ខាង​មុខ។ ​លោក​រំពឹង​ថា​នឹង​អាច​ទទួល​បាន​ជោគជ័យ​ដូច​លោក​គ្រូ Park Hang-seo ​ដែល​ទៅ​ដឹក​នាំ​ក្រុម​វៀតណាម​ដែរ ព្រោះ​ថា​ឥណ្ឌូណេស៊ី ជា​ក្រុម​ល្អ​មិន​ខុស​ពី​វៀតណាម​នោះ​​ទេ៕

    ប្រភព៖ Football-tribe

    ភ្ជាប់ទំនាក់ទំនងជាមួយ CTS SPORT