Thierry Henry គិតថាទម្រង់លេងរបស់ក្រុមហង្សក្រហម Liverpool នារដូវកាលនេះ ពិបាកក្រុមណាអាចយកឈ្នះបានណាស់ ដូចកាលក្រុម Arsenal ធ្វើបាននៅឆ្នាំ២០០៣-០៤ អីចឹង។Liverpool បានប្រកួតសប្ដាហ៍ទី១៧កន្លងទៅ ដោយយកឈ្នះក្រុមលេខ២ Leicester City ក្នុងលទ្ធផល ៤-០ ហើយ១៧ប្រកួតកន្លងមកនេះ មិនមានក្លឹបណាមួយអាចយកឈ្នះពួកគេបាននោះទេ។ កត្តាធ្វើបានយ៉ាងល្អនេះហើយ ទើបធ្វើឱ្យ Henry យល់ថារដូវកាលនេះ ជារដូវកាលមាសរបស់ក្រុម Liverpool ហើយក្នុងការបង្កើតប្រវត្តិសាស្ត្រថ្មីមួយសម្រាប់ក្រុម។
វីរបុរសរបស់ក្រុម Arsenal ខាងលើបាននិយាយដូច្នេះថា៖ “ខ្ញុំគិតថា Liverpool នឹងឈ្នះពានមិនខាននារដូវកាលនេះ។ មិនត្រឹមតែឈ្នះពាននោះទេ ពួកគេអាចនឹងឈ្នះពានរង្វាន់ដោយមិនបរាជ័យ១ប្រកួតណាទៀតផង។ ពួកគេលេងបានយ៉ាងល្អ ហើយវាអាចនឹងជាកំណត់ត្រាថ្មីមួយទៀត ដូច Arsenal ធ្លាប់ធ្វើបានអីចឹង”។ក្រុម Arsenal នៅឆ្នាំ២០០៣-០៤ នោះ បានឈ្នះពានរង្វាន់លីគកំពូលអង់គ្លេស ដោយមិនចាញ់១ប្រកួតនោះទេ។ ដោយ៣៨ប្រកួត ពួកគេឈ្នះ២៦ប្រកួត ស្មើ១២ប្រកួត មាន៩០ពិន្ទុ៕
ប្រភព៖ DailyMail