ក្លឹប Paris Saint-Germain បាននឹងកំពុងខិតខំយ៉ាងសកម្មក្នុងការបញ្ចុះបញ្ចូលឲ្យ Klyian Mbappe ព្រមព្រៀងលើការតកុងត្រាថ្មីរយៈពេល ៥ ឆ្នាំជាមួយក្លឹប ក្រោយល្ហិចល្ហៀង Real Madrid កំពុងដាក់ចិត្តចង់បាន។
យុវជនបារាំងជាគ្រាប់ពេជ្រដ៏មានតម្លៃបំផុតមួយសម្រាប់ PSG ទើបហេតុនេះរុញឲ្យក្លឹបហ៊ានចាយប្រាក់ពលកម្មសម្រាប់រូបគេដល់ទៅ ៣២ លានអឺរ៉ូក្នុងមួយឆ្នាំ ឲ្យតែព្រមទម្លាក់ចុងប៊ិចលើកុងត្រា ៥ ឆ្នាំ និងជៀសឆ្ងាយពីការចង់បានរបស់ Real Madrid។ នេះបើតាមប្រភព Nicolo Schira បានចុះផ្សាយ។
គួររំឭកថាទំនាក់ទំនងរវាង Zinedine Zidane និង Mbappe គឺមានទំនាក់ទំនងល្អនឹងគ្នាខ្លាំងបំផុត ព្រោះអ្នកទាំងពីរមានសញ្ជាតិកំណើតជាជនជាតិបារាំងដូចគ្នា។ នៅករណីនេះបើ Real បរាជ័យយក Mbappe ក៏នឹងបង្វែររ៉ាដាទៅលើ Neymar វិញផងដែរ៕ ប្រភព៖ AF