អ្នកគាំទ្រស្មោះស្ម័គ្រម្នាក់របស់ក្រុមជម្រើសជាតិអាហ្សង់ទីន និងជា Fan របស់ Lionel Messi ផងនោះ បានចងកសម្លាប់ខ្លួនក្នុងបន្ទប់កាលពីម្សិលមិញនេះ ដោយសារតែក្រុមខ្លួនគាំទ្រធ្លាក់ពី World Cup 2018 នេះ។
អ្នកគាំទ្ររូបនោះឈ្មោះថា Mantosh Haldar អាយុ២០ឆ្នាំ ជាជនជាតិឥណ្ឌា។ ឪពុករបស់គេបានបញ្ជាក់ថា Mantosh ជាអ្នកគាំទ្រខ្លាំងម្នាក់របស់ជម្រើសជាតិអាហ្សង់ទីន ជាពិសេសគឺ Maradona និង Messi តែម្ដង។ ក្នុងការប្រកួតជាមួយបារាំង Mantosh ពិតជាខូចចិត្តខ្លាំងណាស់ ព្រោះរូបគេរំពឹងថាអាហ្សង់ទីននឹងធ្វើបានល្អជាងនេះ។ ក្រោយចប់ការប្រកួត រូបគេមិនបាននិយាយរកនរណាឡើយ ហើយកាលពីម្សិលមិញនេះក៏ប្រទះឃើញចងកសម្លាប់ខ្លួនក្នុងបន្ទប់តែម្ដង។
នេះជាករណីទី២ហើយនៅឥណ្ឌា ដែលមានអ្នកគាំទ្របាល់ទាត់ សម្លាប់ខ្លួន ក្រោយពីក្រុមដែលពួកគេស្រលាញ់ធ្លាក់ចេញពីព្រឹត្តិការណ៍ FIFA World Cup 2018 នេះ។ ដោយករណីដំបូង គឺអ្នកគាំទ្រលោតទឹកសម្លាប់ខ្លួន ពេលអាហ្សង់ទីនចាញ់ក្រុមក្រូអាត ៣-០៕ប្រភព៖ Timesnownews
