ខ្សែបម្រើក្លឹបបិសាចក្រហម Manchester United គឺកីឡាករ Scott McTominay បានចារឈ្មោះក្នុងប្រវត្តិសាស្រ្តបាល់ទាត់ហើយ តាមរយៈកំណត់ត្រារងពិន័យកាតលឿងលឿនបំផុតក្នុងការប្រកួត ដោយត្រឹមវិនាទីទី ១៥ គេបានបង្កកំហុស ហើយដល់វិនាទី ២៤ អាជ្ញាកណ្តាលលើកកាតពិន័យ។
Scott ហាក់ទទួលបានការបន្ធូរបន្ថយច្រើនហើយសម្រាប់ចំណាត់ការកាត់សេចក្តីរបស់អាជ្ញាកណ្តាលលោក Kevin Friend ដោយនៅពាក់កណ្តាលតង់ទី ១ កីឡាករស្កុតឡែនបានបង្កកំហុសនៅបាល់ Counter Attack របស់ Newcastle ម្តងទៀត ប៉ុន្តែសំណាងល្អមិនទទួលកាតលឿងជាលើកទីពីរស្មើនឹងកាតក្រហមមួយ។
រំឭកថាកីឡាករវ័យ ២៣ ឆ្នាំបានផ្លាស់មកចូលរួមនៅ Man Utd ឈុតធំនាអំឡុងឆ្នាំ ២០១៧ ក្រោមការជ្រើសរើសនៃជំនាន់គ្រូចាស់លោក Jose Mourinho៕ ប្រភព៖ BeSoccer