ក្រុម Everton បានស្គាល់ជ័យជម្នះក្រោមការដឹកនាំរបស់លោក Carlo Ancelotti ហើយកាលពីយប់មិញ ដោយឈ្នះក្រុម Burnley ១-០ ក្នុងលីគអង់គ្លេស។
ក្រុម Everton ដុនដាបខ្លាំងនារដូវកាលនេះ ដោយត្រូវបណ្ដេញអ្នកចាត់ការចេញ ហើយនាំយកលោក Ancelotti មកជំនួសដើម្បីស្រោចស្រង់ក្លឹបនេះឡើងវិញ។ ប្រកួតដំបូងរបស់អ្នកចាត់ការសញ្ជាតិអ៊ីតាលីនេះ បានធ្វើឱ្យអ្នកគាំទ្រសប្បាយចិត្តជាខ្លាំង ព្រោះលេងក្នុងដីខ្លួនឯង ហើយទទួលបានលទ្ធផលល្អ ឈ្នះ Burnley បានក្នុងលទ្ធផល ១-០ ទៅទៀត។ ១គ្រាប់ជ័យជម្នះនេះធ្វើបានដោយ Dominic Calvert-Lewin នៅនាទី៨០។
លោក Ancelotti បាននិយាយថាគម្រោងរបស់លោកនឹងនាំក្រុម Everton នេះឱ្យខ្លាំងឡើងវិញ។ ការទៅលេងនៅពានរង្វាន់ UEFA Champions League គឺជាគោលដៅ ហើយវាក៏មិនមែនជារឿងមិនអាចទៅរួចនោះទេ៕ប្រភព៖ Dailymail
