ក្រុម Liverpool បានបន្ដយកឈ្នះលើក្រុម Leicester City ក្នុងលទ្ធផល ៤-០ សម្រាប់ការប្រកួតពានរង្វាន់លីគកំពូលអង់គ្លេសថ្ងៃ Boxing Day ។
Trent Alexander-Arnold ជាតួឯកសម្រាប់ក្រុមហង្សក្រហមនាការប្រកួតយប់មិញនេះ។ ដោយរូបគេបានបញ្ជូនបាល់ឱ្យមិត្តរួមក្រុមបាន២គ្រាប់ ស៊ុតខ្លួនឯង១គ្រាប់ និងបង្កើតបាល់ប៉េណាល់ទីបាន១គ្រាប់ទៀត។ វាការប្រកួតមួយដែលអ្នកគាំទ្រសប្បាយចិត្តបំផុត ព្រោះថាបច្ចុប្បន្ននេះក្រុម Liverpool ដាច់ក្រុមលេខ២ ដល់ទៅ១៣ពិន្ទុទៅហើយ។
លោក Klopp បាននិយាយក្រោយការប្រកួតនេះដែរ ថាក្រុមរបស់លោកលេងបានល្អមែនទែនទល់ក្រុម Leicester City នេះ។ វាជាការបង្ហាញច្បាស់ថាពួកគេចង់ឈ្នះពានរង្វាន់និងបង្កើតប្រវត្តិសាស្ត្រថ្មីឱ្យក្រុម Liverpool ស្គាល់ពានរង្វាន់លីគឡើងវិញ៕ប្រភព៖ Dailymail
