អ្នកចាត់ការក្លឹបកាំភ្លើងធំ Arsenal លោក Mikel Arteta បានទម្លាយនូវរឿងរ៉ាវកាលពីអតីតកាលមួយ អំឡុងនៅជាជំនួយការរបស់លោក Pep Guardiola នៅក្លឹប Manchester City ថាពេលនោះធ្លាប់ចាប់ចិត្តចង់នាំយក Granit Xhaka មកចូលរួម។
លោក Arteta និយាយថា៖ “នៅពេលខ្ញុំចេញពី Arsenal ទៅ Man City ដើម្បីចូលរួមការហ្វឹកហាត់ គឺយើងមានចុចឈ្មោះ Xhaka ក្នុងបញ្ជីកីឡាករដែលយើងចង់បាន នេះហើយបង្ហាញពីអ្វីដែលខ្ញុំចូលចិត្តគេកម្រិតណា ហើយខ្ញុំមកទីនេះដើម្បីជួយគេ ដោយគ្រប់យ៉ាងមិនមែនសម្រាប់ខ្ញុំ តែសម្រាប់ក្លឹបទាំងមូល”។
រំឭកថា Xhaka នារដូវកាលនេះបានបង្ហាញខ្លួន ១៣ លើកហើយឲ្យក្លឹបកាំភ្លើងធំ ដោយរូបគេបានចាយពេល ៣ ឆ្នាំ ក្រោយចាកចេញពី Borussia Monchengladbach៕ ប្រភព៖ Goal