Cantona វីរបុរសរបស់ក្រុមបិសាចក្រហម Manchester United បានអះអាងថាទម្រង់លេងរបស់ក្រុមបិសាចក្រហមនាពេលបច្ចុប្បន្ននេះគួរឱ្យធុញមើលណាស់។
ក្រុមរបស់លោក Ole Gunnar Solskjaer លេងល្អតែពេលប៉ះក្រុមខ្លាំងៗប៉ុណ្ណោះ ខណៈដែលលេងទល់ក្រុមខ្សោយៗឬល្មមៗវិញ ពួកគេហាក់ដូចជាមិនមានចិត្តចង់ឈ្នះនោះទេ។ ជាក់ស្ដែងប្រកួតមុនឈ្នះ Man City បាន ប៉ុន្តែក្រោយមកមកចាញ់ក្រុមបាតតារាង Watford ទៅវិញ។ ការលេងរបៀបនេះហើយ ទើបធ្វើឱ្យអ្នកគាំទ្រមួយចំនួន សូម្បីតែវីរបុរសក្លឹបនេះក៏មិនពេញចិត្តដែរ។
លោក Cantona អតីតម្ចាស់អាវលេខ៧របស់ក្រុម Man Utd បាននិយាយថា៖ “Man Utd លេងបច្ចុប្បន្ននេះ គឺលេងដូចបុរសចំណាស់ម្នាក់កំពុងរួមភេទអីចឹង។ ពួកគេបានព្យាយាមខ្លាំង ប៉ុន្តែលទ្ធផលវិញបានត្រឹមខកបំណងប៉ុណ្ណោះ។ ពេលខ្ញុំនិយាយបែបនេះ ខ្ញុំសុំទោស ប៉ុន្តែវាពិតជាអីចឹងមែន”៕ប្រភព៖ Goal
