ត្រឹមរយៈពេលជិតមួយខែក្លឹប Juventus បានស្គាល់បរាជ័យដល់ទៅ ២ លើកក្រោមថ្វីជើងរបស់ Lazio ដែលចាញ់ច្រំដែល ៣-១ មិនថានៅ Serie A និង Supercoppa Italiana ដែលក្លឹបមួយនេះទើបលើកពានប៉ុន្មានថ្ងៃមុន។
តាមរបាយការណ៍ La Repubblica បានឲ្យដឹងថា Cristiano Ronaldo កំពុងមានភាពមិនសប្បាយរីករាយជាមួយនឹងចំណាត់ការរៀបចំប្រព័ន្ធលេងរបស់អ្នកចាត់ការលោក Maurizio Sarri ដែលជាដើមចមធ្វើឲ្យក្រុមចាញ់។
តាមប្រភពបានសង្កត់ធ្ងន់ថា Ronaldo ខឹង Sarri ដែលជំនួស Higuain ឲ្យចូលលេង (នៅប្រកួតលីគ Serie A) ហើយមិនពេញចិត្តលើការរៀបចំក្បួនយុទ្ធសាស្រ្តមួយចំនួនផ្សេងទៀតរបស់ Sarri ផ្ទាល់។
រំឭកថា Juve កំពុងប្រកួតប្រជែងលំដាប់ពិន្ទុជាមួយ Inter Milan ដោយបច្ចុប្បន្នក្រុមទាំងពីរមានពិន្ទុស្មើគ្នា ហើយ Inter ឆ្នាំនេះគឺឡើងជើងខ្លាំង អ៊ីចឹងប្រសិនសេះបង្កង់របូតពាន Serie A មួយទៀត នោះរឿងរ៉ាវនៃការចាកចេញប្រាកដជានឹងកើតមាន៕ ប្រភព៖ AF