ក្រុម FC Barcelona កំពុងតាមទិញយុវជនឆ្នើមម្នាក់របស់ក្រុមបិសាចក្រហម Manchester United ឈ្មោះថា Angel Gomes ក្រោយពីឃើញថាសមត្ថភាពខ្សែបម្រើរូបនេះល្អខ្លាំង។
កីឡាករវ័យ១៩ឆ្នាំនេះ នឹងអស់កុងត្រាជាមួយក្រុមបិសាចក្រហម Man Utd នៅត្រឹមរដូវកាលនេះហើយ ខណៈដែលសប្ដាហ៍ក្រោយ រូបគេអាចមានសិទ្ធិចរចាជាមួយក្រុមដទៃបានហើយ។ ក្នុងនោះ Barcelona ជាក្រុមមានភាគរយច្រើនជាងគេក្នុងការនាំយកកីឡាករអង់គ្លេសនេះ ដោយសារតែពួកគេតាមលូងលោមច្រើនខែមកហើយ។
មិនត្រឹមតែ Gomes ម្នាក់ទេ យុវជន Tahith Chong របស់ក្រុមបិសាចក្រហមម្នាក់ទៀត ក៏អាចនឹងចាកចេញពី Old Trafford ដូចគ្នា។ Chong ត្រូវបានក្លឹប Juventus ចង់បាន និងតាមទាក់ទងយូរមកហើយដែរ។ អ្នកគាំទ្រគិតថាប្រសិនបើក្រុមរបស់លោក Ole ឱ្យយុវជន២នាក់នេះចាកចេញ នោះនឹងបាត់បង់ធនធានដ៏ល្អសម្រាប់ក្រុមនាថ្ងៃអនាគតមិនខាន៕ប្រភព៖ Dailymail
