Carlo Ancelotti អ្នកចាត់ការក្រុម Everton បានបញ្ជាក់ថាលោកចង់យកខ្សែប្រយុទ្ធ Zlatan Ibrahimovic មករួមក្រុម ប្រសិនបើរូបគេចង់មកលេងនៅលីគកំពូលអង់គ្លេសទៀត។
Zlatan ក្រោយពីចេញពីលីគអាមេរិកមក មិនទាន់រកក្លឹបថ្មីលេងបាននៅឡើយទេ ហើយសាមីខ្លួនក៏មិនទាន់ចង់ចូលនិវត្តន៍ពីវិស័យបាល់ទាត់ដែរ។ ស្របពេល Everton ទោះប្រកាសយក Ancelotti មកដឹកនាំក្រុមផងនោះ ស្រាប់តែមានដំណឹងថាអ្នកចាត់ការសញ្ជាតិអ៊ីតាលីនេះ ចង់បាន Zlatan មករួមក្រុមនៅខែមករានេះ បើសិនជាកីឡាកររូបនេះមិនមានក្លឹបណាចង់បាន។
Ancelotti និង Zlatan មានទំនាក់ទំនងល្អនឹងគ្នាតាំងពីនៅ PSG ម្ល៉េះ។ តែរឿងហៅ Zlatan មកលេងនោះ ត្រូវបានអ្នកគាំទ្រជាច្រើនគិតថាជាសម្ដីលេងសើចប៉ុណ្ណោះ ត្បិតអីវ័យរបស់កីឡាករស៊ុយអែត ប្រហែលមិនអាចលេងនៅលីគកំពូលអង់គ្លេសបានទៀតទេ៕ប្រភព៖ Dailymail
