AT Madrid ​ត្រៀម​ចុះ​កុងត្រា​យក Cavani ​នៅ​ខែ​មករា​នេះ​

​ក្រុម Atletico Madrid ​ត្រៀម​ចុះ​កុងត្រា​យក​ខ្សែ​ប្រយុទ្ធ​ Edinson Cavani ​ពី​ក្រុម PSG ​នៅ​ខែ​មករា​នេះ​ហើយ ​ក្រោយ​ពី​សាមី​ខ្លួន​ចង់​ចាកចេញ​ពី​ប្រទេស​បារាំង។

​ក្រុម PSG ​បាន​ប្រើ​ប្រាស់ Icardi ​លេង​នៅ​តំបន់​ប្រយុទ្ធ​កណ្ដាល​វិញ ​ខណៈ​ដែល Cavani ​ត្រូវ​អង្គុយ​កៅអី​បម្រុង​ទៅ​ហើយ។ ​កត្តា​នេះ ​បាន​ធ្វើ​ឱ្យ​ខ្សែ​ប្រយុទ្ធ​អ៊ុយរុយហ្គាយ​មិន​ពេញ​ចិត្ត​នោះ​ទេ ​ហើយ​ក៏​ចង់​ចាកចេញ​ដើម្បីស្វែង​រក​ក្លឹប​ថ្មី​លេង​នៅ​ខែ​មករា​ខាង​មុខ​នេះ​ដែរ។ ​ក្រុម PSG ​ឯ​ណោះ  ប្រសិន​បើ​ពួកគេ​អាច​ទិញ Icardi ​ដាច់​ពី​ក្រុម Inter Milan ​នោះ​ក៏​អាច​នឹង​លក់ Cavani ​ចោល​ភ្លាម​ដែរ។

ជាមួយ​គ្នា​នេះ លោក Simeone ​ដែល​កំពុង​ត្រូវ​ការ​ខ្សែ​ប្រយុទ្ធ​ស្រាប់​នោះ ​ក៏​ចាប់​ចិត្ត​យក Cavani ​មក​អេស្ប៉ាញ​ដែរ។ ​តម្លៃ​ខ្លួន​របស់​កីឡាករ​វ័យ​៣២​ឆ្នាំ​នេះ ​មិន​ជា​ថ្លៃ​ឡើយ ព្រោះ​កុងត្រា​របស់​គេ​អស់​ជាមួយ​ក្រុម PSG ​នៅ​ត្រឹម​រដូវ​កាល​នេះ​ប៉ុណ្ណោះ៕ប្រភព៖ Marca


ភ្ជាប់ទំនាក់ទំនងជាមួយ CTS SPORT