ទន្ទឹមនឹងបរាជ័យនារដូវកាល ២០១៩/២០ ក្លឹបបិសាចក្រហម Manchester United ក៏នៅតែទទួលបានការចាប់អារម្មណ៍ខ្លាំងពីសំណាក់អ្នកគាំទ្រ ព្រោះនៅទីនោះប្រមូលផ្តុំសុទ្ធតែកីឡាករល្អៗសោតយ៉ាងដូចជា Marcus Rashford ជាដើម។
Rashford កាលពីរដូវកាលចាស់ធ្លាប់ជាប់ឈ្មោះជាកីឡាកររត់លឿនបំផុតប្រចាំក្លឹប ប៉ុន្តែចូលមកដល់ពេលនេះគឺលទ្ធផលមានការប្រែប្រួលហើយ។ តាមរបាយការណ៍ពី Opta បានបង្ហាញថា Fred ឯណោះទេជាអ្នករត់លឿនបំផុត ដោយមានល្បឿន ៣៧.១៧ គ.ម/ម៉ ខណៈ Rashford មានល្បឿន ៣៦.២១ គ.ម/ម៉ និងDaniel James ឈរលេខបន្ទាប់មានល្បឿន ៣៥.៥៦ គ.ម/ម៉។
បែបណាមិញទេពកោសល្យនិងគុណភាពរបស់កីឡាករទាំងនេះ ក៏មិនទាន់អាចជ្រោមជ្រែង United ឲ្យឈានដល់ចំណុចដែលអ្នកគាំទ្រចង់បាននោះដែរ ដោយថ្មីៗនេះទើបតែបរាជ័យក្រោមថ្វីជើងក្រុមបាតតារាងនៅលទ្ធផល ២-០៕ ប្រភព៖ FoxSportAsia
