ក្លឹប ៣ នៅ​អឺរ៉ុប​ចាយ​លុយ​លើ​កីឡាករ​ច្រើន​បំផុត តែ​គ្មាន​ Man City/Liverpool

តាម​របាយការណ៍​ស្រាវជ្រាវ​ចេញ​ពី Global Sport Salaries ​សម្រាប់​ឆ្នាំ ២០១៩ បាន​បង្ហាញ​ពី​ក្លឹប​ដែល​ចាយ​លុយ​លើ​ថ្លៃ​ពលកម្ម​កីឡាករ​ច្រើន​បំផុត ក្នុង​នោះ​មាន Real Madrid, Barcelona និង Juventus។

ក្លឹប FC Barcelona ជា​មធ្យម​ចាយ​ថវិកា​ប្រមាណ ១២,៨ លាន​ដុល្លារ​អាមេរិក​ទៅ​លើ​កីឡាករ​មួយ​រូប​សម្រាប់​ក្រុម​ឈុត​ធំ ខណៈ Real Madrid ឈរ​លេខ​ពីរ​ចាយ​ ១១,៦ លាន​ដុល្លារ​លើ​កីឡាករ​មួយ​រូប​ក្នុង​មួយ​ឆ្នាំ រី​ឯ Juventus ដែល​ឆ្នាំ​ទៅ​ឈរ​លេខ ៩ បាន​រំកិល​មក​លេខ ៣ ចាយ​ ១០,៥៤ លាន​ដុល្លារ​ជា​មធ្យម។

បញ្ជាក់​ថា Juventus លោត​ឡើង​ខ្លាំង​នៅ​ប៉ុន្មាន​ឆ្នាំ​ចុង​ក្រោយ​នេះ ដោយ​នៅ​ឆ្នាំ ២០១៧ ក្រុម​ជើង​ឯក Serie A ឈរ​លេខ ៣២ ​លុះ Ronaldo ចូល​មក​ឡើង​លេខ ៩ រហូត​ដល់​ឆ្នាំ ២០១៩ រំកិល​ដល់​លេខ ៣។ ក្នុង​ចំណោម​ក្លឹប​យក្ស​ឯ​ទៀត​មាន Paris Saint-Germain ឈរ​លេខ ១២ និង Manchester City ឈរ​លេខ ១៣។

គួរ​រំឭក​ថា​របាយការណ៍​នេះ រាប់​បញ្ចូល​ទាំង​ប្រាក់​ពលកម្ម​គ្រប់​បណ្តា​វិស័យ​កីឡា​ទាំង​អស់​មិន​ថា​តែ​បាល់បោះ NBA នោះ​ឡើយ៕ ប្រភព៖ TheHindu

ភ្ជាប់ទំនាក់ទំនងជាមួយ CTS SPORT