តើអ្នកនៅចាំបានទេ សម្តីចាក់ដោយមួយឃ្លាដែល Frank Lampard និយាយមុនការប្រកួត ដោយលោកថាលោកស្រលាញ់និងចូលចិត្ត Mourinho ប៉ុន្តែលោកចង់ឲ្យ Spurs ជួបបរាជ័យនៅជំនួប Chelsea ហើយទីបំផុតលទ្ធផលសមប្រកបក៏សម្រេចបានដូចចិត្ត។
Chelsea បានយកឈ្នះទៅលើម្ចាស់ដី Tottenham នៅលទ្ធផល ២-០ ដែលសម្រេចទីដោយកីឡាករ Willian ទាំងស្រុង។ ត្បិតយកបាន ៣ ពិន្ទុដូចប្រកួតទូទៅ ប៉ុន្តែទឹកមុខនិងសកម្មភាពអបអររបស់ Frank Lampard ដែលជាអ្នកចាត់ការហាក់កំពុងឆក់យកបេះដូងអ្នកគាំទ្រជាខ្លាំង ពោលគឺសប្បាយអរមើលតែបានលើកពានទៅហើយ។
ទស្សនាវីដេអូខាងក្រោម៖
គួរបញ្ជាក់ដែរថា Jose ធ្លាប់ជាអតីតគ្រូ Chelsea ដឹកនាំកីឡាករនៅចន្លោះឆ្នាំ ២០១៣-១៥ ហើយពេលនោះ Lampard នៅស្ថិតជាខ្សែបម្រើកូនក្រុមរបស់ Jose នៅឡើយ លុះ ៥ ឆ្នាំក្រោយមក Lampard ផ្លាស់ពីកីឡាករមកក្លាយជាគូប្រជែង ហើយថែមទាំងយកឈ្នះគ្រូខ្លួនឯងបានថែមទៀត៕
